Picture
Youth For Understanding бол 70 жилийн туршлагатай олон улсын боловсролын ашгийн төлөө бус байгууллага юм. Бид олон улсын соёлын солилцоо хөтөлбөрийн хүрээнд дэлхий даяар байрлах 50 гаруй орны ахлах сургуульд 6 сар эсвэл 1 жилийн хугацаатай суралцах боломжийг өсвөр үеийнхэнд олгож байна. 
Монгол улсын YFU байгууллага анх 2004 онд үүсч анхны сурагчдаа ХБНГУ-руу сольж байсан түүхтэй. Түүнээс хойш Франц, Итали, АНУ, Хятад, Аргентина, Швед, Недерланд, Бельги, Чили, Эстониа, Финланд, Япон, Солонгос гэх мэт 50 гаруй оронруу Монгол сурагчдаа явуулах боломжтой болсон билээ.
Улс хоорондын өсвөр үеийн солилцоо нь улс үндэстнүүдийн харилцан ойлголцолд үнэлж баршгүй хувь нэмэр оруулдаг гэсэн үзэл санааны үүднээс YFU байгууллага хөгжиж ирсэн. Өсвөр үеийнхэн энэхүү хамтын ажиллагаанд оролцсноор гадаад айлд амьдарч, өдөр тутмын үйл ажиллагаанд оролцож бие дааж шийдвэр гаргах, хариуцлага хүлээх, өөрийгөө хөгжүүлэх, бие хүний хувьд төлөвших, хэлний мэдлэгтэй болохоос гадна ирээдүйн ажил амьдралдаа хэрэг болох чадвар, туршлагыг олж авдаг тул олон орны эцэг эхчүүд хүүхдүүдээ хамгийн найдвартай, туршлагатай "Сурагч солилцоо" хөтөлбөрт хамруулдаг.

YFU-д нэгдэн орсон үндэсний байгууллага нь YFU-ийн хүрээнд  нийтээр баримтлах ёстой Олон улсын суурь стандартыг удирдлага болгон ажилладаг. Зарим улс оронд, тухайлбал АНУ, ХБНГУ, Япон, Финландад Засгийн газар нь сурагчдад тэтгэлэг олгох хэлбэрээр YFU-гийн үйл ажиллагааг хөхиүлэн дэмждэг. 

Бусад орны YFU байгууллагын вэб хуудсууд:

Хойд Америк

Ази

Африк