Франц улсад "Сурагч солилцоо" хөтөлбөрт хамрагдах 

Хөтөлбөрийн үйл явц

• YFU Монголд бүртгүүлж ярилцлаганд орох /Монгол хэлээр/
• Анкет бөглөх /Франц эсвэл Англи хэлээр/
• Шаардлагатай бол хэлний курст суух
• Бие даах болон чиг баримжаа олгох бэлтгэл семинарт хамрагдах 
• Өмнө нь YFU-ийн хөтөлбөрт хамрагдаж байсан хүмүүстэй танилцах уулзалт /зөвлөгөө авах/
• Элчинд виз мэдүүлэх
• Нисэх 
• Франц улсад очоод 3 хоногийн чиг баримжаа олгох олон улсын сурагчидтай хамт бэлтгэл семинарт хамрагдах
• Зочин айлдаа амьдарч, Францийн энгийн ЕБС-д үе тэнгийнхний хамт 1 жил хүртэлх хугацаанд суралцах
• Жилийн дунд үе болон төгсгөлийн үеэр 2 семинарт тус тус хамрагдана. Ийнхүү Франц улсад жилийн турш суралцахдаа 3 удаагийн үндсэн семинарт оролцож бусад орнуудаас ирсэн YFU-ийн сурагчидтай танилцан үйл ажиллагаанд оролцох
• Хөтөлбөрийн хугацаа дуусмагц Монголд ирээд юу сурч мэдсэн тухайгаа дүгнэх ярилцах семинар
• Сайн дурын үндсэн дээр дүү нартаа зөвлөгөө өгч, өөрийн туршлагаас хуваалцах

 

​Чиглүүлэх сургалт

Сурагчид онгоцны буудал дээр буухад YFU -ийн ажилчид тосч аван чиг баримжаа олгох 3 хоногийн Семинарт хүргэдэг ба шинэ орчинд дасахад хэрэг болохуйц мэдээллүүдийг өгөхийн сацуу дэлхийн өнцөг булан бүрээс ирсэн шинэ найзуудтайгаа танилцаж зорилго төлөвлөгөөгөө ярилцаж бүтээлч өдрүүдийг өнгөрүүлнэ. Мэдээж тоглож өөр өөрсдийн орноо сурталчилж, сонирхолтой мэдээлэл солилцдог. Энэхүү арга хэмжээний зорилго нь Франц улсын ЕБС, түүний дүрэм, зочин айлдаа хэрхэн цагийн хуваарь мөрдөж сурах, хичээлийн агуулга, шалгалт, мөн хэрхэн суралцах талаар зааварчилгаа өгөхөд оршино. Семинар дуусахад ажилчид хүүхдүүдийг тус тусын зочин айлд нь хүргэх галт тэргэнд суулгах ба зочин гэр бүл нь тосч авдаг. Муж бүрт сурагчдыг хариуцсан туршлагатай зөвлөх ажилладаг бөгөөд 2 сар тутам сурагчтай уулзаж ярилцаж, шаардлагатай үед хэрэгтэй мэдээллийг өгч асуудлыг шийдэхэд тусладаг. 

---

Зочин гэр бүл

​Зочин гэр бүл бол 1 жилийн турш сурагчийг өөрийн гэртээ амьдруулж, хамтдаа хооллож халуун дулаан уур амьсгал бүрдүүлж, өөрийн үр хүүхдийн адил хайрлан халамжлах үүрэгтэй сайн дурын гэр бүл юм. Эдгээр гэр бүлийг YFU -ийн олон улсын стандартыг баримтлан сонгодог ба гол зорилго нь өөрийн орны соёл заншлыг өдөр тутмын ахуй амьдралаараа өөр орны хүүхдэд ойлгуулж, өөрийнхөө хүүхдүүдэд мөн адил соёлын ялгааг таньж мэдүүлэх юм. Түүнчлэн сайн дурын гэр бүлд ямар нэгэн төлбөр төлдөггүй бөгөөд байр, хоолны зардлыг бүгдийг нь зочин айл хариуцдаг тул YFU -ийн үйл ажиллагаанд сайн дурын зочин айлууд маш чухал үүрэгтэй. Очиж буй сурагч ч бас тэднийг эцэг эхийн адил хайрлаж, хамтдаа үйл ажиллагаанд оролцож, чин сэтгэлээсээ хандаж Монгол орны тухай тэдэнд мэдээлэл өгч маш олон сайхан дурсамжуудыг хамтдаа бүтээдэг. Сурагчдын эцэг эхийн хувьд Монголоос онлайнаар холбогдож хүүхэдтэйгээ, зочин айлтай нь холбоотой байх боломжтой. 

 Сургуулийн хувьд 
Франц энгийн хүүхдүүдийн адил улсын ахлах сургуульд суралцах ба хичээлүүд Франц хэл дээр явагдах болно. 
Та Монголоос нисэхээсээ өмнө Франц хэлний ойр зуурын мэдлэгтэй байвал мэдээж танд суралцах, амьдрахад дөхөм шүү дээ. Та Монгол дахь Франц хэлний сургалтын тухай мэдээллийг энд дарж аваарай. 

​YFU таныг Франц улсад байх бүхий л хугацаанд холбоотой байж хөтөлбөрийн турш анхаарал тавин ажиллах болно. 

Франц улсад сурах бүтэн жил болон хагас жилийн нийт зардал:

Франц	Хугацаа	Төлбөр	Эхлэх	Дуусах	Бүртгэл дуусах хугацаа
Намрын бүтэн жилийн хөтөлбөр	11 сар	8000 евро	2021.08.30	2022.07.07	2021.01.10
Намрын хагас жилийн хөтөлбөр	6 сар	6850 евро	2021.08.30	2022.01.27	​2021.01.10
Өвлийн бүтэн жилийн хөтөлбөр	6 сар	6850 евро	2022.01.06	2022.07.07	2021.05.01

Хөтөлбөрийн үнэд багтсан зардлууд

• Хүрэлцэн очсон даруйд зохион байгуулагддаг солилцооны сурагчдад чиг баримжаа олгох 3 өдрийн семинарын зардал    
• Хөтөлбөрийн дунд үед зохиогдох олон орны сурагчдын туршлага солилцох семинарын зардал
• Хөтөлбөрийн төгсгөлд зохиогдох эх оронруугаа буцахад бэлтгэх семинарын зардал
• Сурагчид шаардлагатай зөвлөгөө, мэдээлэл
• Хөтөлбөр хэрэгжих хугацаанд тухайн сурагчийн гэртэй ойр байрладаг, зочин гэр бүлээс гадна сурагчид шаардлагатай үед туслахад бэлэн байх зөвлөх ажилтны зардал 
• Хөтөлбөрийн хугацаанд сурагчийн амьдрах гэр бүл, суралцах сургуулийг сонгох зардал 
• Дээрхи семинаруудад оролцохын тулд улс дотор хот хооронд зорчих тээврийн зардал
• Сурагчдыг угтаж авах, үдэхтэй холбоотой зардал 
• 2 талын нислэгийн тизийн зардал
• Визний хураамж
• Гэнэтийн ослын болон хариуцлагын даатгал

Ямар зардлыг сурагч өөрөө хариуцах вэ? 

• Гадаад паспорт
• Гаалийн татвар, илүү тээсэн ачааны үнэ
• Сурагчийн хувийн хэрэглээний мөнгө /1 сард 175 Евро орчим/
• Сургууль руугаа ирж очиход шаардлагатай нийтийн тээврийн хэрэгслээр зорчих хөнгөлөлтийн билетийн үнэ /1 жилд 250 орчим Евро/
• Хувиараа хийх аяллын зардал
• Даатгалын сангаас олгодоггүй эмнэлгийн үйлчилгээний төлбөр, эмийн зүйл, нүдний шил гэх мэт хувийн хэрэглээний зардал