Эх дэлхийг гэрээ болгоцгооё - YFU Монгол

Гадаадад сурмаар
байна уу? 

Гадаад хүүхэд гэртээ
​авмаар байна уу?

Гадаад нисэхээс өмнөх сурагчдад чиг баримжаа олгох бэлтгэл семинар

Энэхүү Семинар нь сурагчиддаа эх орноо хайрлах, эх орноороо бахархах, түүх уламжлал, соёлоо сурталчилах мэдлэг өгөх ба түүнчлэн сурагчдыг нисэхээс өмнө бэлтгэх, зорьсон орондоо очоод хөтөлбөрийн хугацааг хэрхэн үр дүнтэй байлгах тухай мэдээлэл олгох зорилготой юм. Семинарын турш хүүхдүүд хоорондоо танилцаж, хамтдаа багаар ажиллаж бие биедээ зөвлөж, мэдэхгүй зүйлсээ асууж YFU байгууллагын гишүүн болон өмнө хөтөлбөрт хамрагдаж байсан ах эгч нартайгаа танилцаж цааш зорьсон орондоо 1 жил хэрхэн амьдрах тухай туршлагатай болдог. 

Зорьсон оронруугаа нисэх

Жил бүрийн 1 сар, 8 сард сурагчид зорьсон оронруугаа нисдэг. Онгоц зорьсон газраа очмогц YFU байгууллагын ажилтнууд тосон авч сурагчдыг хүлээн авсан тухай эцэг эхчүүдэд мэдэгддэг. 

Чиг баримжаа олгох олон улсын семинар

Энэхүү Семинар нь олон орноос ирсэн сурагчидтай хамт найзлаж нөхөрлөн 7 хоногийн турш зочин орны тухай мэдээлэл авч, хэлний мэдлэгээ сайжруулж, бие биедээ өөрсдийн соёлоос танилцуулж соёлын ялгааг таньж мэдэн сонирхолтой өнгөрүүлдэг. Энэхүү семинарт оролцсноор сурагчид гайхамшигтай дурсамж үлдээж олон орны найз нөхөдтэй болох боломжтой. Семинарт 7 хоносны дараа өөрсдийн зочин айлруугаа вагоноор явцгаадаг билээ. 

Зочин гэр бүл

Picture
Зочин гэр бүл бол 1 жилийн турш сурагчийг өөрийн гэртээ амьдруулж, хамтдаа хооллож халуун дулаан уур амьсгал бүрдүүлж, өөрийн үр хүүхдийн адил хайрлан халамжлах үүрэгтэй сайн дурын гэр бүл юм. Эдгээр гэр бүлийг YFU -ийн олон улсын стандартыг баримтлан сонгодог ба гол зорилго нь өөрийн орны соёл заншлыг өдөр тутмын ахуй амьдралаараа өөр орны хүүхдэд ойлгуулж, өөрийнхөө хүүхдүүдэд мөн адил соёлын ялгааг таньж мэдүүлэх юм. Түүнчлэн сайн дурын гэр бүлд ямар нэгэн төлбөр төлдөггүй бөгөөд байр, хоолны зардлыг бүгдийг нь зочин айл хариуцдаг тул YFU -ийн үйл ажиллагаанд сайн дурын зочин айлууд маш чухал үүрэгтэй. Очиж буй сурагч ч бас тэднийг эцэг эхийн адил хайрлаж, хамтдаа үйл ажиллагаанд оролцож, чин сэтгэлээсээ хандсанаар маш олон сайхан дурсамжуудыг хамтдаа бүтээдэг. Сурагчдын эцэг эхийн хувьд Монголоос онлайнаар холбогдож хүүхэдтэйгээ, зочин айлтай нь холбоотой байх боломжтой.